{"id":12383,"date":"2025-03-27T11:18:50","date_gmt":"2025-03-27T10:18:50","guid":{"rendered":"https:\/\/sareensarea.eus\/albisteak\/euskadi-refuerza-su-compromiso-con-la-democracia-y-la-sostenibilidad-en-el-plenario-del-foro-agenda-2030\/"},"modified":"2025-03-27T12:43:14","modified_gmt":"2025-03-27T11:43:14","slug":"euskadik-demokrazia-eta-jasangarritasunarekin-duen-konpromisoa-berretsi-du-2030-agenda-foroaren-osoko-bilkuran","status":"publish","type":"post","link":"https:\/\/sareensarea.eus\/eu\/albisteak\/euskadik-demokrazia-eta-jasangarritasunarekin-duen-konpromisoa-berretsi-du-2030-agenda-foroaren-osoko-bilkuran\/","title":{"rendered":"Euskadik demokrazia eta jasangarritasunarekin duen konpromisoa berretsi du 2030 Agenda Foroaren Osoko Bilkuran"},"content":{"rendered":"

Sareen Sarea 2030 Agenda Euskadi Foroaren VIII. Osoko Bilkuran izan da<\/h2><\/div>

<\/i><\/i><\/span>Irakurketa erraza ikusi<\/span><\/a><\/h4><\/div>
<\/div><\/div><\/div><\/div><\/div>

Donostiako Miramongo Parke Teknologikoan atzo ospatu zen 2030 Agenda Euskadi Foroaren Osoko Bilkura, erakunde, gizarte-eragile eta ezagutzaren munduko ordezkarien arteko lankidetzarako gunea, garapen jasangarri eta inklusibo baterantz aurrera egiteko helburuarekin.<\/p>\n

Bilera horretan Gizarte Berrikuntzarako eta 2030 Agendako 2025-2028 Plana onartu zen,<\/strong> Garapen Jasangarrirako Helburuekin (GJH) lotutako ikuspegi parte-hartzaile eta eraldatzaile batetik datozen urteetako jarduna gidatuko duen ibilbide-orria alegia. Planak herritarren partaidetza aktiboa, lankidetzazko-gobernantza eta kultura demokratiko sendoa sustatzea du helburu.<\/p>\n

Imanol Pradales Lehendakariak <\/strong>nabarmendu zuenez, “demokrazia sendoa, osasuntsua eta kalitatezkoa ezinbestekoa” <\/strong>da herri gisa eta ongizatean aurrera egiteko, eta, era berean, komunitatea eta konpromiso zibikoa indartzeko beharra azpimarratu zuen. Plan berria 2024-2028 Gobernu Programarekin <\/strong>eta demokrazia sendotzea helburu duen estrategia europarrarekin bat dator, “pertsonak erdigunean jarriko dituen ongizate-eredu jasangarri eta inklusibo baten aldeko apustua eginez”.<\/p>\n

Sareen Sarearen<\/strong> izenean, erakundeko presidenteordea Pablo Moratallak<\/strong> eta koordinazio arloko Elena Blancok<\/strong> hartu dute parte. Plan berriaz gain, jardunaldian Luis Miller<\/strong> soziologoak polarizazio politikoaren arriskuei buruzko hitzaldia eman du, eta dinamika parte-hartzaile bat ere izan da, funtsezko lau ardatzen inguruan<\/strong>: berrikuntza kudeaketa publikoan, herritarren ahalduntzea, eraldaketa digitala eta informazioa, eta belaunaldi berriak eta kultura demokratikoa.<\/p>\n

Hirugarren Sektore Soziala eta lankidetzazko-gobernantza<\/h3>\n

Sareen Sareak, Foroaren baitan egindako ibilbidean, lankidetzazko-gobernantzaren eta Hirugarren Sektore Sozialaren papera indartzearen beharra defendatu du,<\/strong> politika publikoen koherentzia handiagoa eta zeharkako ikuspegia sustatuz, baita Elkarrizketa Zibilerako Mahaia bezalako espazioak indartuz ere. Ikuspegi horrek, lankidetzazko-gobernantza demokrazia sendotzeko funtsezko tresna gisa ulertzen du, partaidetza aktiboa, herritarren ahalduntzea eta gizarte kohesionatuago bat sustatzeko ikuspegiarekin.<\/p>\n

Argazkiak<\/strong>: Irekia<\/p>\n

Informazio gehiago Irekiaren webgunean<\/a><\/p>\n<\/div>

Bideoa ikusi<\/h3><\/h1><\/div>