Maiatzaren 11n, asteazkenean, 1205 – Euskadiko HIRUGARREN SEKTORE SOZIALAREN EGUNAREN seigarren edizioa ospatu genuen Gasteizko Artium Museoan.

Hirugarren Sektore Sozialaren Eguna ia 4.000 euskal erakundeok gizarte kohesionatu, inklusibo, solidario eta parte-hartzaile baten alde egunero egiten dugun lana ikusarazteko eta babesteko eguna da.

“Oraindik asko geratzen da margotzeko. Gizartea eraldatzen “, horixe da aurtengo gure leloa. Gizartea kolorez margotu eta eraldatu nahi dugu, aniztasunean baitago Euskadi hobe bat eraikitzeko motorra.

• 10:30 – Ekitaldiaren hasiera eta kanpainaren iragarkia.
• 10:35 – Sareen Sareako lehendakariaren ongietorria.
• 10:45 – Juan Cid Pardori 2022ko Sareen Saria aitortzea eta ematea.
• 11:00 – Lehendakariaren hitzaldia.
• 11:15 – Aurkezpena eta solasaldia: Euskadiko Hirugarren Sektore Sozialaren jarrera GJHen eta 2030 Agendaren aurrean.
• 12:15 – Ekitaldiaren agurra eta amaiera

Urtero bezala, Euskadiko Hirugarren Sektore Sozialaren Egunaren aurretik jarduera parte-hartzaile bat antolatzen dugu. Aurten, talde-margoketa bat antolatu dugu eraldaketa sozialaren alde. Jarduera irekia izan da, herritar guztiei zuzenduta.

Gizartea eraldatu eta kolorez margotu nahi dugu, aniztasuna baita Euskadi hobe bat egiteko bidea. Eta bide horretan 80 pertsonak baino gehiagok lagundu ziguten apirilaren 9an Bilboko Guggenheim museoaren ondoan egin genuen talde-margoketan, eraldaketa sozialaren aldeko horma-irudia sortzeko jardunaldian hain zuzen. Eskerrik asko parte hartu zenuten guztioi!