Maiatzaren 6an 1205 – Euskadiko HIRUGARREN SEKTORE SOZIALAREN EGUNAREN bederatzigarren edizioa ospatuko dugu Gasteizko Artium Museoan.
Hirugarren Sektore Sozialaren Eguna 4.200 euskal erakunde baino gehiagok gizarte kohesionatu, inklusibo eta parte-hartzaile baten alde egunero egiten dugun lana ikusarazteko eta babesteko eguna da.
“Elkarrekin garena, batera egiten duguna”, horixe da gure aurtengo leloa. Euskadi berdintasunezkoago eta bidezkoago bat lortzeko bidean, benetako aliantzak eraikitzen jarraitu nahi dugu erakundeen eta gizarte zibil antolatuaren artean: erantzukidetasunetik, elkarrekiko errespetutik eta parte-hartze aktibotik abiatuta.
Egitaraua:
- 12:30 – Ekitaldiaren hasiera eta lankidetzazko gobernantzaren “mantrak” aurkeztea.
- 12:45 – Sareen Sarearen ongi-etorria.
- 13:00 – Concha Clavero Molinari 2025eko Sareen Saria aitortzea eta ematea.
- 13:15 – Lehendakariaren hitzaldia.
- 13:30 – Ekitaldiaren agurra eta amaiera.
Aurten Concha Clavero Molinari emango diogu Sareen Saria. Sareen Sarearen Zuzendaritza Batzordeak Concha saritu du, gizarteratzen eta laneratzen, genero-berdintasunean eta gizarte-erakundeen eta administrazio publikoen arteko lankidetzazko gobernantzan izandako ibilbide luzeagatik eta konpromisoagatik.
Sareen Sariak Euskadi solidarioagoa, kohesionatuagoa eta inklusiboagoa eraikitzen lagundu duten pertsonen ibilbidea aintzatestea du helburu. Sari banaketa maiatzaren 6an egingo da, Euskadiko Hirugarren Sektore Sozialaren Eguna ospatzeko Gasteizko Artium Museoan egingo den ekitaldian.
Mediateka
Argazki
galeria
Euskadiko Hirugarren Sektore Sozialeko sareekin lankidetzako gobernantzaren inguruan egin dugun jarduera parte-hartzailearen irudiak.
Urtero bezala, Euskadiko Hirugarren Sektore Sozialaren Egunaren aurretik jarduera parte-hartzaile bat antolatu dugu. Oraingoan, Hirugarren Sektore Sozialak lankidetzako gobernantzan duen eginkizunari buruz elkarrekin hausnartzea izan da ekintzaren ardatza.
Martxoan Bilbon egindako saioan, modu kolektiboan lan egin genuen erronkak, proposamenak eta lehentasun partekatuak identifikatzeko. Entzuteko, elkarrekin eraikitzeko eta askotariko errealitateak lotzeko gunea izan zen. Prozesu horretatik ideia giltzarriak eta mezu partekatuak sortu ziren, aurtengo ekitaldi instituzionalera ere eramango ditugunak.
Laster informazio gehiago partekatuko dugu! Momentuz, eguneko irudi batzuk ikus ditzakezue.
