200 profesional baino gehiago Sareen Sareak gizarte-zerbitzuetako administrazio publikoen eta Hirugarren Sektore Sozialaren arteko lankidetza-tresnei buruz egindako jardunaldian
Itunak, hitzarmenak eta beste formula batzuk: administrazio publikoen eta hirugarren sektorearen arteko lankidetzarako gakoak gizarte eta osasun-zerbitzuetan” izenburupean, Sareen Sareak topaketa antolatu zuen joan den urtarrilaren 30ean, eta aurreikuspen guztiak gainditu zituen: gure erakundeetako eta erakunde publikoetako 200 pertsona baino gehiago izan genituen gurekin goizean zehar. Elkarrizketarako eta ikaskuntzarako gune bat, Euskadin hainbeste pertsonaren ongizateari eusten dioten zerbitzuei egonkortasuna eta segurtasuna emango dieten aliantzak eraikitzeko moduari buruz.
Sareen Sareak Hirugarren Sektore Sozialaren ikuspegia eskaini du Donostian egin den Tentsio Eremuen Nazioarteko Kongresuan
Azaroaren 19an, Sareen Sareak aktiboki parte hartu zuen Tentsio Eremuen Nazioarteko Kongresua: Resilient Cities – Thriving Housing Markets for the Future kongresuan. Erreferentziazko topaketa hori Tabakaleran egin zen, eta espezialistak, arduradun publikoak eta gizarte-eragileak bildu zituen, etxebizitzaren, gizarte-kohesioaren eta hiri-erresilientziaren arloko egungo eta etorkizuneko erronkei buruz hausnartzeko.
