2024an Euskadiko Hirugarren Sektore Sozial elkartua, indartsua eta aitortua egituratzeko hamarkada bat ospatuko dugu. Hamarkada bat lanean, gizarte justuago eta solidarioago bat eraikitzeko.

Gaur egun, Sareen Sarea eragile erreferentea da eskubide sozialen sustapenean. Izan ere, pertsona guztien eskubideak modu berean errespetatuko dituen gizarte kohesionatu, inklusibo eta parte-hartzailea lortzea da gure ekintzen helburua, pertsona kalteberenei arreta berezia eskainiz. Eraldaketa sozialarekin dugun konpromisoa da inor atzean geratuko ez den etorkizunerako ibilbide-orria.