Otsailaren 22an Euskadi Minbiziaren Aurka III. Kongresua ospatuko da Bilbon, hainbat erakundek antolatuta. Antolatzaileen artean, Umeekin dago, minbizidun adingabeak dituzten familia-elkarteen euskal federazioa eta Sareen Sareko kidea dena.

Minbizia duten pertsonek eta beren familiek pentsatu duten kongresua da, minbizia duten pertsonentzat eta beren familientzat. Espazio honetan gaixotasunaren egunerokoa partekatu, ikasi eta bizitzeko aukera edukiko dugu, honako helburu hauekin:

• Pazienteak ahaldundu eta tabuak hautsi, minbizia duten paziente guztiei beren prozesuan laguntzeko.
• Topaketa hau bizi-esperientzia izatea. Minbizia duten pertsonei eta bere familiei esperientziak eta informazioa trukatzeko espazio bat eskaintzea.
• Kohesio eta aliantzarako espazio bat lortzea, helburu bera duten beste erakunde eta elkarte batzuekin batera: pazientearen ondoan egotea.

Informazio gehiago