Zeinu Hizkuntzen Nazioarteko Eguna pertsona gor eta zeinu-hizkuntzaren erabiltzaile guztien hizkuntza-nortasuna eta kultura-aniztasuna ikusarazteko, babesteko eta aldarrikatzeko eguna da.

Komunitate gorrek, gobernuek eta gizarte zibilak nazioarteko zeinu-mintzairak sustatzeko eta aitortzeko egiten dituzten ahalegin kolektiboak aldarrikatzeko eguna da. Gorren Munduko Federazioaren arabera, 70 milioi pertsona gor inguru daude mundu osoan. Garapen bidean dauden herrialdeetan bizi dira % 80 baino gehiago, eta kolektibo gisa, 300 zeinu-hizkuntza baino gehiago erabiltzen dituzte.

Nazioarteko zeinu-hizkuntza bat ere badago, pertsona gorrek nazioarteko bileretan eta, modu informalean, bidaiatzen eta sozializatzen dutenean erabiltzen dutena. Nazioarteko hizkuntza hori pidgin hizkuntzatzat hartzen da, hau da, hizkuntza jakin batetik eta beste hizkuntza bateko edo batzuetako beste elementu batzuetatik abiatuta sortutako hizkuntza mistotzat. Nazioarteko zeinu-hizkuntzaren kasuan, ez da hizkuntza naturala bezain konplexua, eta lexiko mugatua du.