Euskadiko Ekonomia eta Gizarte Kontseiluak (EGK) CAPVen erakunde egitura osatzen du, eta Euskadiko politika ekonomiko zein sozialen interesak eraginkorrak izateko zuzenduta dago. Kontsulta organoa da, ezaugarri transbertsalekin, Euskadiko egoera sozioekonomikoaren interes ezberdinetara heltzen delako.

EGK-k politika ekonomikoarekin eta sozialarekin lotutako Jaurlaritzaren Plan Orokorrren eta Legearen Aurreproiektuen txostenak egiten ditu; baita Dekretuen Proiektu eta gobernuaren ustez garrantzia handikoak diren erabakienak ere. Txostenak lotesleak ez diren arren, Euskadiko bizitza ekonomiko eta sozialeko eragileen eztabaida eta adostasun-asmoa aurkezten dute.

EGK-k memoria sozioekonomiko bat sortu beharra du nahitaez, CAPVen egoera ekonomiko eta sozialaren inguruko gogoetak biltzen dituena. Bere kalitate eta zabaltasunagatik, erreferentziako dokumentu bilakatu da.

Kontseilua 32 kidek osatzen dute: sindikatu, enpresa, merkataritza-ganbera, industria eta nabigazio ordezkariek; aurrezki kutxa eta finantza-erakundeek; kooperatibek; sozietate anonimoek; arrantza-elkarteek; nekazaritza-elkarteek; Hirugarren Gizarte-sektoreko erakundeek; eta Kontseiluaren funtzioekin lotutako adituek.
Hirugarren Gizarte-sektorearen ordezkariak, Mikel Barturen Nuñok, Sareen Sarearen koordinazioarekin sortutako proposamenak eta gogoetak Kontseilura eramaten ditu.