Garapen Jasangarrirako Helburuen integrazioari egindako aitortza publikoa

Euskadi Agenda 2030 Sariak banatu dira gaur Gasteizen.

2030 Agenda mundu hobea egiteko nazioarteko hitzarmen bat da.

Akordio honetan 17 helburu daude mundu hobe hori lortzeko,

eta Garapen Iraunkorreko Helburuak (GJH) deitzen dira.

Zer bilatzen dute GJHek?

  • Pobreziarekin amaitzea.
  • Ingurumena babestea.
  • Pertsona guztiek bizitza hobea izan dezaten lortzea.

Sari hauek Eusko Jaurlaritzak antolatu ditu

eta Imanol Pradales lehendakaria izan da ekitaldian.

Sarietako bat Sareen Sarearentzat izan da.

Pablo Moratalla,

Sareen Sareko lehendakariordea,

sari-banaketan egon da.

Euskadi Agenda 2030 sariek mundu hobe baten alde lan egiten duten erakundeak nabarmentzen dituzte.

Hiru sari mota daude:

  • Konpromisoa: 2030 Agendan lanean hasi direnentzat.
  • Bidean: hobetzeko prozesuan daudenentzat.
  • Aurreratua: erakunde aurreratuenentzat.

Sareen Sareak Konpromisoa saria jaso du.

Hirugarren Sektore Sozialeko beste erakunde batzuek ere sari bat jaso dute:

  • Bizitegi
  • Aspace Bizkaia
  • Katea Legaia
  • Eragintza
  • EDE Fundazioa
  • UN Etxea

Sari hauek erakunde hauen lana hobeto ezagutzen laguntzen dute.

Sareen Sareak Konpromisoa saria jaso du Eusko Jaurlaritzak antolatutako 2030 Euskadi Agenda Sarien lehen edizioan. Sariak gaur banatu dira Lehendakaritzaren egoitzan, Gasteizen, Imanol Pradales lehendakaria buru izan duen ekitaldian.

Sareen Sarearen izenean Pablo Moratalla izan da, erakundeko lehendakariordea. Sari honek indartu egiten du Euskadiko Hirugarren Sektore Sozialeko sareak biltzen dituen erakundeak Garapen Jasangarrirako Helburuekin (GJH) eta gizarte bidezkoago eta inklusiboago bat eraikitzearekin duen konpromisoa.

Hirugarren Sektore Sozialaren konpromisoaren aitorpena

Garapen bidezkoagoa eta jasangarriagoa bultzatuz, GJHak beren estrategian eta kudeaketa-ereduan integratzen ari diren erakundeak nabarmentzea da Euskadi 2030 Agenda Sarien helburua.

Aintzatespen horiek lortzeko, erakundeek aurrerapen eta emaitza maila jakin bat erakutsi behar dute. Helburu horrekin, EUSKALIT Fundazioak ebaluaziorako online plataforma bat garatu du, eta laguntza zerbitzua eskaintzen die behar duten erakundeei.

Sariak hiru kategoriatan banatu dira:

  • Konpromisoa: online plataforman autoebaluazioa osatzen duten erakundeek jaso duten oinarrizko aintzatespena.  Hainbat arlotako 34 erakunderen konpromisoa aitortu  du Eusko Jaurlaritzak.
  • Bidean: ezarritako gutxieneko baldintzak betetzen dituztenek kanpoko kontrastea egiteko aukera dute, eta, horri esker, tarteko aintzatespen hau lor  dezakete. Guztira, 16 erakundek jaso dute saria.
  • Aurreratua: kanpo-kontrastearen atal jakin bat gainditzen duten erakundeek aintzatespen aurreratu hau lortu  dute.  Kategoria horretan, Eusko Jaurlaritzak 10 erakunde saritzea erabaki du.

Sareen Sareaz gain, Hirugarren Sektore Sozialeko beste erakunde batzuk ere aintzatetsi dira, hala nola Aspace Bizkaia, Bizitegi, EDE Fundazioa, Eragintza, Katea Legaia edo UN Etxea.

Irudiak: Irekia

Informazio gehiago Irekiaren webgunean

Bideoa ikusi