Haurren eta nerabeen parte-hartzea sustatuz

Euskadiko Hirugarren Sektore Sozialetik, haurrek eta nerabeek erabaki garrantzitsuetan parte hartu ahal izatea nahi dugu. Zehazki, beren bizitzetan zuzenean eragiten dieten politika publikoei buruzko erabakiak. Proiektu berri bat dago horrelako ekimenak detektatzeko, hobeto nola egin daitekeen ikusteko.

Proiektu honen helburuak ondorengo hauek dira:

  • Adingabeei eragiten dieten gauza garrantzitsuetan beren iritzia eman ahal izateko zer jarduera dauden jakitea.
  • Jarduera horiek gazteei parte har dezaketen espazioetan aktiboagoak izaten nola laguntzen dieten ulertzea.

Haur, Nerabe eta Gazteen Batzorde Mistoa izeneko talde batek abiarazi du proiektua. Talde honetan Euskadiko Hirugarren Sektore Sozialeko eta Administrazio Publikoko ordezkariek parte hartzen dute. Batzordeak ondorengo hau nahi du: gazteek botere handiagoa izatea eta eragiten dieten arau eta erabakiei buruz pentsatzen dutena esatea.

Hori egiteko, dauden jarduerei buruz gehiago jakin behar dugu. Horregatik, Hirugarren Sektore Sozialeko erakundeak gonbidatuta daude online galdetegi bat betetzera apirilaren 12a baino lehen. Garrantzitsua da erakunde askok parte hartzea informazio asko izateko.

Eusko Jaurlaritza laguntzen ari da proiektu honekin. Galderak edo zalantzak dituen edozein erakundek mezu elektroniko bat bidal dezake ccalderon@3seuskadi.eus helbidera edo 944 003 355 telefonora deitu.

Euskadiko politika publikoetan haurren eta nerabeen parte-hartzea indartzeko, Euskadiko Hirugarren Sektore Sozialak arlo horren inguruko ekimenak mapatzeko prozesu bat abiaraziko du. EAEko adingabeei zuzenean eragiten dieten politiken diseinuan, jarraipenean eta ebaluazioan parte hartzeko duten eskubidea egikaritzea ahalbidetzen duten jarduerak identifikatzea eta sustatzea da proiektu honen helburua.

Euskadiko Elkarrizketa Zibilerako Mahaiaren Haur, Nerabe eta Gazteen Batzorde Mistoaren esparruan sortu da ekimena, eta Euskadiko Hirugarren Sektore Sozialeko erakundeek eta sareek egindako ekintzei buruzko azterketa zehatz bat egitea da horren xede nagusia. Haur eta nerabeak ahalduntzeko eta politika publikoetan aktiboki parte hartzeko gaitasunak sustatzen dituzten ekimenei buruzko informazioa biltzean oinarrituko da azterlan hori, bai eta adingabeak politika horietan bigarren mailako parte-hartzean zuzenean inplikatzen duten ekimenei buruzko informazioa ere.

Informazio hori modu eraginkorrean biltzeko, online galdetegi bat jarri da eskuragarri Euskadiko Hirugarren Sektore Sozialeko erakundeentzat. Erakunde horien parte-hartzea funtsezkoa da mapaketa arrakastatsua izan dadin. Hori dela eta, Sareen Saretik apirilaren 12a baino lehen galdera-sorta betetzera animatu nahi zaituztegu EAEko erakunde sozialei. Bildutako datuak funtsezkoak izango dira dauden ekimenak zehaztuko dituen txosten bat egiteko, Euskadiko adingabeen partaidetza-ahaleginak hobeto ulertu eta babesteko.

GALDETEGIA BETE

Eusko Jaurlaritzak Hirugarren Sektore Sozialaren Euskal Behatokiari eskatu dio proiektua garatzeko. Zentzu horretan, bere taldea prest dago galdetegia betetzeko prozesuan sor daitekeen edozein zalantza edo kontsulta argitzeko. Interesa duten erakundeak harremanetan jar daitezke ccalderon@3seuskadi.eus posta elektronikoaren bidez edo 944 003 355 telefono-zenbakira deituz.

Proiektu hau aukera garrantzitsua da Euskadiko Hirugarren Sektore Sozialeko erakundeentzat, adingabeek politika publikoetan duten partaidetza indartzen laguntzeko, eta, horrela, beren orainari eta etorkizunari eragiten dieten erabakietan parte hartzeko eskubideak bermatzeko.