Merkatutik kanpo eta pertsonen zerbitzura dauden gizarte-zerbitzuen aldeko adierazpena
Sareen Sarea gizarte-ituna arautzen duen dekretuaren aurrean
Pertsonak zaintzea izan behar da politika publikoen eta gizarte-zerbitzuen ardatz nagusia, kalitatearen aldeko apustua eginez eta elkartasunaren, unibertsaltasunaren eta ekitatearen printzipioei erantzunez. Euskadiko Hirugarren Sektore Soziala funtsezko eragilea da pertsonak erdigunean jartzen dituen sistema bat eraikitzeko.
Gipuzkoako Elkarrizketa Zibilerako Mahaia sortu da
Euskadiko lankidetza publiko-sozialaren mugarri berri bat
Martxan jarri da Gipuzkoako Elkarrizketa Zibilerako Mahaia, Hirugarren Sektore Sozialarekin lankidetza indartzeko Foru Aldundiak sortutako kontsulta-organo berria. Politika publikoen diseinuan eta betearazpenean partaidetza aktiboa eta lankidetza publiko-soziala sustatzea da espazio horren helburua.
Euskadiko Hirugarren Sektore Soziala sustatzeko neurriei buruzko mintegia
Euskadiko Hirugarren Sektore Soziala indartzeko proposamen berritzaileetan aritzeko lankidetza-saioa
Hirugarren Sektore Sozialaren Euskal Behatokiak mintegi bat antolatu du Bilbon, Euskadiko Hirugarren Sektore Soziala sustatzeko neurriei buruzko 5. txostena osatzeko helburuarekin. Sareen Sareak ekitaldi horretan parte hartu du EHSSko beste erakunde batzuekin, administrazio publikoekin, banku-fundazioekin eta enpresa-elkarteekin batera, datozen lau urteetarako orientabide eta jarduera berriak garatzeko helburuarekin.
Europa sozialago baten alde
Sareen Sarearen adierazpena Europako Parlamenturako Hauteskundeen aurrean
Ekainaren 9ko Europako hauteskundeak direla eta, Europa osoko milioika pertsona hautestontzietara deituta gaude, nazioartean bereziki asaldatuta dagoen testuinguru batean. Hurrengo belaunaldien etorkizun europarra eta globala kolokan jarriko duten aldaketa garrantzitsuak aurreikusten dira. Horregatik, Sareen Saretik Europako Parlamentu eta Europar Batasun demokratiko, justu, inklusibo eta solidario baten beharra aldarrikatzen dugu, giza eskubideen eta gure planetaren zaintzaren aldeko Europa Sozial batean aurrera egiteko gai izango dena.
Bilera Idoia Mendiarekin, Europako etorkizuneko gizarte-politikak kontrastatzeko
2024ko Europako Parlamenturako Hauteskundeak
Ekainaren 9ko Europako hauteskundeetarako PSE-EEren hautagaiak bilera batera gonbidatu du Euskadiko Hirugarren Sektore Soziala, Europarako etorkizunera begira hainbat gai kontrastatzeko. Besteak beste, zaintzari, genero-berdintasunari, diskriminazioaren aurkako borrokari, elkarrizketa zibilari, 2030 Agendari edo jasangarritasunari buruz hitz egin dugu.
Etorkizun ekitatibo baterako politika inklusiboak eta ekonomia jasangarriak
Otsailak 20: Justizia Sozialaren Munduko Eguna
Gaur egungo erronkek politika inklusibo eta jasangarriak eskatzen dituzte, arazo ekonomikoei, sozialei eta ingurumenekoei aurre egiteko eta pertsona guztientzako mundu ekitatiboa eraikitzeko. Sareen Saretik Euskadiko Hirugarren Sektore Sozialaren konpromisoa aldarrikatu nahi dugu lan zail baina ezinbesteko horretan, balantza gizarte justuago eta solidarioago baterantz berrorekatzeko helburuarekin.
